मी, सौ. प्रिया घेवडे, सेंटर डायरेक्टर, नेरूळ-पूर्व, आदर्श संस्थे मध्ये दिनांक १६ नोव्हेंबर, १९९७ रोजी रुजू होऊन थेट आजतागायत म्हणजे २०२३ मध्ये सुद्धा कार्यरत आहे. आज मला हे सांगायला अभिमान व आनंद सुद्धा वाटतो की मला आज मितीस ह्या संस्थेत २५ वर्षांचा काळ पूर्ण होत आहे.
ही एवढी २५ वर्षे मी कशी पूर्ण करू शकले हे माझे मला कळले देखील नाही.
कै. बापुसाहेब विसपुते यांनी निश्चित ध्येय निष्ठ विचारा अंती व निर्धार पूर्वक असे इवलेसे रोपटे सन १९९७ मध्ये नवी मुंबईत लावले. पण आज ह्या रोपट्या चे मोठ्या व भव्य अशा वटवृक्षात रूपांतर झाले, मा.विसपुते सर व त्यांच्या सोबत
सौ. विसपुते मॅडम सुद्धा नेहमी प्रमाणेच खांद्या ला खांदा लावून हे शिवधनुष्य उचलायला पूर्ण शक्ती व सामर्थ्या ने सज्ज झाल्या. याचे एकमात्र श्रेय ह्या दाम्पत्यास जाते, कारण एकच, ह्या विषयावर, आपल्या कामावर निस्सीम श्रद्धा व जिद्द आणि जोडीस चिकाटी चे पूर्ण प्रयत्न. आणि अशा संस्थेत जबाबदारी ने कार्य करण्या साठी ‘मी’ ही तेवढ्याच तत्परतेने व आनंदाने प्रेरित होऊन रुजू झाले. मी स्वतःला भाग्यवान समजते की मी इथे हसत-खेळत व मोठ्या आनंदातच राहिले. येथे कार्यरत असताना मला खुप असे शिकायला सुद्धा मिळण्याची वेळोवेळी संधी मिळत राहिली, आणि ह्या प्रत्येक संधीचे मी ‘सोने’ केले.
ह्या संस्थेत केवळ ‘बालवाडी’ चा कोर्स केला नाही, तर ईसीसीडी, सीटीसी, पीटीसी सारखे इतर सरकार मान्य आणि भविष्यात देखील उपयुक्त असे कोर्सेस सुरू केले, माझ्याकडे कित्येक वर्षे सरासरी एकेका बॅच मध्ये साधारण पणे ५० ते ६० विद्यार्थ्यां चे प्रवेश होत असंत.
अलिकडच्या २०२० च्या “कोरोना” संकटाने तर कहर च केला होता. असे वाटले होते की आता मात्र आपले हे कार्य स्थगित किंवा ठप्पच होईल, पण नियती ने त्या वेळेस आम्हास एक विलक्षण असा सांकेतिक कानमंत्र दिला आणि काय हे आश्चर्य की “डिजिटल” माध्यमातून म्हणजे “झूम” मिटिंग्सच्या प्रयोगा ने प्रेरित होऊन तर एक नविन आणि आधुनिक क्रांती पर्वच सुरू झाल्याचा जणू दाखला दिला आणि अहो आश्चर्यम्, ही पवित्र कार्या ची धुरा अशीच भविष्यात देखील चालु राहिली पाहिजे असे प्रयोग सिद्ध झाले. अशा कठीण काळात सुद्धा संस्थेने आम्हास प्रेरित करून नेहमी प्रमाणेच एक नवी उर्जा व दिशाच दिली. खरोखरीच स्तुत्य आणि वेगळेच अभिनव असे पाऊल ठरावे असेच झाले. अशा काही वेळीस यथोचित व समर्पक उत्तर मिळाल्यास का बरे आदर वाटू नये ही न बोललेली प्रतिक्रिया सहजच उमटून जायची. ह्या मध्ये जरूर पडल्यास दोन-दोन दिवसांचे प्रशिक्षण शिबीर देखील ताबडतोब आयोजित करणे ही सुद्धा आता नित्याचीच बाब म्हणून जमा होत आहे. अशी दोन-दोन दिवसीय शिबीरे पण आम्हास माहेर वाशिणी सारखेच वाटायचे. अजून ही ह्या संस्थेत कार्यरत असल्याचा उत्साह दिवसागणिक वाढतच चालला आहे.

मी जून 2003 पासून आदर्श शिक्षक प्रशिक्षण केंद्रामार्फत , माझे केंद्र चालवत आहे. सुरुवातीला माझ्या केंद्रातून बालवाडी प्रशिक्षण कोर्स हा मराठी ,हिंदी ,गुजराथी , उर्दू ,इंग्लिश या माध्यमातून व हस्तकला प्रशिक्षण कोर्स हा मराठी व इंग्रजी या माध्ममाद्वारे घेण्यात आले .त्यानंतर साधारण 1 वर्षांनी माझ्या केंद्रातून ECCED व CTC हे दोन नवीन कोर्स मराठी व इंग्रजी माध्यमातून आपल्या संस्थेने सुरू केले व माझ्या केंद्रातून या कोर्स चे प्रशिक्षण चालू झाले .ह्या सर्व कोर्स चे ट्रेनिग आधी आम्हां सर्व केंद्र संचालिका ना देण्यात आले. या करिता संस्थेने आमचे ट्रेनिंग शिबिर आयोजित केले व सर्व अभ्यासक्रम समजावून दिला . या कोर्स मध्ये 18 ते 60 वर्ष वयोगटातील मुली , गृहिणी, नोकरी करणाऱ्या महिला या आपले घर, ऑफिस, कॉलेज करून या कोर्स ला येतात.
या सर्व महिलांना या कोर्स च्या माध्यमातून खूप काही शिकायला मिळाले . त्यांना त्यांच्या अभ्यासक्रम शिवाय सांस्कृतिक कार्यक्रम शैक्षणिक शिबिर , विविध क्षेत्रातील मान्यवर व्यक्तीच्या व्याख्यानमार्फत नवीन नवीन विषयावर मार्गदर्शन करून त्यांचा सर्वांगीण विकास कसा होईल यावर आमच्या संस्थेचे विशेष लक्ष असते. त्यामुळे आमच्या केंद्रातून विध्यर्थी जेव्हा प्रशिक्षण घेवून बाहेर जातात , त्यावेळी प्रशस्तीपत्रक सोबत, सर्वांगीण विकास घडलेली एक आदर्श शिक्षिका बाहेर जात असत . त्यामुळे आमच्या विद्यार्थीनीना कोणत्याही शाळेत सहज नोकरी मिळत असत .
विरार मधील जवळजवळ सर्वच शाळेत माझ्या विद्यार्थी नोकरी करत आहे. माझ्या केंद्रात बोरिवली पासून ते डहाणू पर्यंतचे आत्तापर्यंत 300 च्या वर विद्यार्थी प्रशिक्षण घेवून गेले आहेत . व याच भागातील शाळेत नोकरी करून आपले घर चालवत आहे. व आपले आदर्श चे नाव सार्थक करत आहे .
आमची संस्था ही खूप आम्हां केंद्र संचालिका व विद्यार्थीनींन चा जास्तीत जास्त विकास कसा होईल व त्यातून त्यांना जास्तीत जास्त उत्पन्न मिळून त्यांचा त्यांच्या संसाराला हातभार कसा लाभेल यावर विशेष लक्ष देत असते . या करिता आमचे चेअरमन श्री धनराज विसपुते सर , सौ संगीता विसपुते मॅडम , प्राचार्या , सौ. जाई जगताप मॅडम सर्व ऑफिस कर्मचारी आम्हां केंद्र संचालिका व विद्यार्थी करिता सर्वतोपरी मदत करत असतात . मला या संस्थेने खूप काही दिले .एक आपलेपणा व एक हक्काचे माहेर मला दिले याकरिता मी सर्वांची खूप आभारी आहे. मला अभिमान आहे मी यासंस्थेचा एक भाग आहे .व हा आदर्श चा एक आदर्श परिवार आहे . या आदर्श परिवाराला माझा मानाचा मुजरा व त्रिवार सलाम.